Мин аҕабынаан күрэх. Саха сиригэр Булчут күнүн муус устар ый бастакы субуотатыгар бэлиэтиибит. Бу күн хас да үйэни уҥуордаан кэлбит булчут өбүгэлэрбит үтүө үгэстэригэр сүгүрүйүүнү, айылҕаҕа харыстабыллаах сыһыаны көрдөрөр
Оттон муус устар ый бастакы өрөбүлэ — Аҕалар күннэрэ. Саха Сирин бастакы Президена М.Е. Николаев 1999 сыл олунньу 15 күнүнээҕи 685 №-дээх «Аҕалар күннэрин олохтооһун туһунан» Ыйааҕыгар олоҕуран, муус устар бастакы өрөбүлэ Аҕалар күннэринэн биллэриллибитэ. Бу бырааһынньык олохтонуута дьиэ кэргэн уонна уопсастыба иннигэр аҕа суолтатын үрдэтии, кини дьиэ кэргэн олоҕор, тускутугар уонна үүнэр кэнчээри ыччакка дьоһунун, сүдү оруоллааҕын туоһута буолар.
Уол оҕо күнүн СӨ Ил Дархана Егор Борисов 2017 сыл олунньу 6 күнүнээҕи Ыйааҕынан олохтонон, Саха сиригэр Уол оҕо күнэ муус устар иккис баскыһыанньатыгар бэлиэтэнэр. Бу күнү бэлиэтиири «Арассыыйа ийэлэрэ» Бүтүн Арассыыйатааҕы хамсааһын Саха сиринээҕи салаата көҕүлээбитэ. Бу суолталаах бэлиэ күннэргэ анаан Үөгэн олохтоох библиотеката «Уол аҕатынаан» күрэх ыытта. Күрэххэ Гоголев Арылхан 3 кылаас, аҕатынаан Василий Васильевичтыын, Бурцев Ярик 3 кылаас, аҕатынаан Алексей Андреевичтыын уонна Максимов Эрэл 2 кылаас, эһэтинээн Иннокентий Иннокентьевичтыын кыттыыны ыллылар. Күрэх алта түһүмэхтэн турда. Ол курдук «Саха остуоруйаларын таай» манна о5олор экраҥҥа көрөн туран ребус көмөтүнэн бэриллибит остуоруйалары таайыахтаахтар. Бу түһүмэххэ Эрэл Максимов бастаата. иккис түһүмэх «Кини кимий?» аҕалар бэриллибит ыйытыынан, биир дойдулаахтарбыт Аҕа дойду сэриитин кыттыылаахтара кимнээх буолуохтаахтарын бастакы ыйытыыттан таайыахтаахтар. Бу түһүмэххэ Иннокентий уонна Алексей тэҥ баалы ыллылар. Үһүс түһүмэххэ «Сорсуннаах булчут». Манна о5олор бэриллибит тыа кыылларын суолларынан көрөн таайдылар. Бу түһүмэххэ Арылхан Гоголев кыайыылаах таҕыста. Төрдүс түһүмэх «Саспыт тыллар». Манна хамаанданан кистэнэн турар көтөрдөрү, тыа кыылларын булуу. Хамаандалар бары тэҥҥэ тыллары буллулар. Бэһис түһүмэххэ «Сэрии кэмин ырыалырын» хартыынанан , түргэтиллибит музыканан таайыы. Бу түһүмэххэ Бурцевтар дьиэ кэргэн бастаата. Күрэҕи түмүктүүр оонньууга «Т» буукубаттан биир мүнүүтэ иһигэр элбэх көтөрү, тыа кыылын булуохтаахтар. 9Тоҕус тылы булан Иннокентийдаах Эрэл бастаатылар. Оонньуу түмүгүнэн бастакы миэстэ Бурцевтар дьиэ кэргэн, иккис-Эрэл Максимов эһэтинээн Иннокетийдыын уонна үһүс миэстэ Гоголевтар дьиэ кэргэн. Оонньуу кыттыылаахтарыгар Добун сурук уонна бэлэхтэр туттарылыннылар. Кыттааччылар махтанан, оонньууттан астынан тарҕастылар.
