Саха норуотун тапталлаах суруйааччыта, тыл маастара Николай Егорович Мординов – Амма Аччыгыйа 120 сылыгар аналлаах ” Сахалыы ааҕабыт “ бырайыак чэрчитинэн, “Тоҕус төгүл тоҕо” кэпсээннэринэн аахпыты тургутар оонньуу ыытылынна.
Бу оонньууга алын кылаас үөрэнээччилэрэ төрөппүттэрин кытта, эрдэ дьиэлэригэр “Тоҕус төгүл тоҕону” ааҕан, бэлэмнэнэн баран кыттыыны ыллылар. Уопсайа түөрт түһүмэхтэн турар аахпыты тургутууну аастылар. Ол курдук “Хартыынанан таай”, “Уратыны бул”, “Кини кимий”, “Тобул” курдук түһүмэхтэри аастылар. Оҕолор, төрөппүттэр бары ааҕан, бэлэмнэнэн кэлбиттэрэ үөрдэр. Түмүккэ “Бастыҥ ааҕааччы”, “Билиилээх ааҕааччы”, “Кэскиллээх ааҕааччы”, “Эрэллээх ааҕааччы” курдук анал ааттар хаһаайыннарын буллулар. Маннык ааҕыылар дьиэ кэргэни түмэр,оҕолору ааҕыыга уһуйар.
Татьяна Гоголева
